Real Vitinya uchun PSJga taklif yuboradi

“PSJ” yarim himoyachisi Vitinya faoliyatini “Real Madrid”da davom ettirishi mumkin. Fichajes nashri xabar berdi.

Manbaga ko‘ra, klub rahbariyati futbolchining atrofidagi vaziyatni diqqat bilan kuzatmoqda.

Ammmo parijliklar o‘z yetakchisini osonlikcha qo‘yib yubormaydi. Shunga qaramay, Madrid klubi qishda dastlabki taklifni yuborishga tayyor.

Ilk taklif qiymati 50 million atrofida bo‘lishi mumkin. Shuningdek, unga qo‘shimcha sifatida braziliyalik futbolchi Rodrigo ham “PSJ”ga o‘tadi.

Vitinya joriy mavsum “PSJ” tarkibida 7 ta o‘yinda maydonga tushib, o‘z hisobiga 1 gol va 3 ta golli uzatma yozdirib qo‘ygan.

Roziqjon Sultonmurodov

Jurnalist