“Real” va “Barselona” Holand uchun kurashga kirishishi mumkin
“Manchester Siti” hujumchisi Erling Holandga Ispaniyaning “Real” va “Barselona” klublari qiziqish bildirmoqda. Har ikki klub norvegiyalik futbolchini 2027-yilda o‘z safiga qo‘shib olish imkoniyatini ko‘rib chiqmoqda. Bu haqda TEAMtalk nashri xabar bermoqda.
Manbaga ko‘ra, “Real” va “Barselona” Holandning amaldagi shartnomasida kelajakda transferni amalga oshirish imkonini beradigan bandlar mavjud deb hisoblamoqda. “Manchester Siti” tomoni esa futbolchining shartnomasida aniq tovon puli bandi borligi haqidagi ma’lumotlarni rad etmoqda.
Shu bilan birga, Holand va “Manchester Siti” o‘rtasida hujumchiga kelajakda yangi chaqiriqni qabul qilish imkonini beradigan kelishuv mavjudligi aytilmoqda. Hozircha futbolchi klubni tark etish istagini bildirmagan va faoliyatini Manchesterda davom ettirishga e’tibor qaratmoqda.
Ma’lumot uchun, 26 yoshli Holand joriy mavsumda barcha musobaqalarda 6 ta uchrashuvda 6 ta gol urgan. Uning “Manchester Siti” bilan amaldagi shartnomasi 2034-yilgacha mo‘ljallangan.
