«Real» rahbariyati Mbappening jismoniy holatidan xavotir olmoqda
«Real Madrid» rahbariyati va murabbiylar shtabi hujumchi Kilian Mbappening so‘nggi uchrashuvlardagi harakatlaridan jiddiy tashvishga tushmoqda. Sport.es nashri xabariga ko‘ra, fransiyalik forvardning gollar soni kamaymagan bo‘lsa-da, uning umumiy jismoniy holati va maydondagi faolligi pasaygan.
Manbaning ta’kidlashicha, La Liganing 25-turida «Osasuna»dan qabul qilingan mag‘lubiyat (1:2) Mbappening o‘yini borasidagi shubhalarni yanada kuchaytirgan. Mazkur bahsda «ko‘rinmay qolgan» hujumchining formasiga yil boshida olgan tizzasidagi jarohati hamon ta’sir o‘tkazayotgan bo‘lishi mumkin.
Hozirda «qirollik klubi» muxlislari ijtimoiy tarmoqlarda bosh murabbiy Alvaro Arbeloadan Kilian Mbappega dam berishni va uning to‘liq tiklanishiga imkoniyat yaratishni so‘rashmoqda.
