\"Real Madrid\" futbolchilari Jahon chempionatlari tarixida rekord o‘rnatishdi
Angliya terma jamoasi hamda Madridning "Real" klubi yarim himoyachisi Jud Bellingem JCh-2026 turnirining 3-o‘rini uchun kechgan Fransiya (6:4) bilan o‘yinda o‘z nomini tabloya yozdirib qo‘ydi. Shu tariqa, "qirollik klubi" futbolchilari tomonidan Jahon chempionatlari tarixida kiritilgan gollar soni 100 taga yetdi va bu mutloq rekord hisoblanadi. Bu haqda X ijtimoiy tarmog‘idagi OptaJoe sahifasi xabar bermoqda.
Mazkur bahsda "Real" a’zolaridan, shuningdek, Fransiya terma jamoasi hujumchisi Kilian Mbappe ham gol urishga muvaffaq bo‘ldi. U o‘yinda o‘z hisobiga dubl rasmiylashtirdi.
Etiborli jihati, Angliya milliy terma jamoasi o‘z tarixida ilk bor Jahon chempionatining bronza medallarini qo‘lga kiritdi. Umumiy hisobda esa bu inglizlar uchun dunyo birinchiliklaridagi ikkinchi medal bo‘ldi — 1966-yili Angliya o‘z uyidagi turnirda oltin medallarga ega chiqqan edi.
Eslatib o‘tamiz, JCh-2026 finalida Ispaniya va Argentina terma jamoalari o‘zaro to‘qnash kelishadi. Hal qiluvchi bahs bugun, 19-iyul kuni Toshkent vaqti bilan soat 00:00 da start oladi.
