«Real» ketma-ket ikkinchi mavsum Chempionlar Ligasi yarimfinaliga chiqa olmadi
Madridliklar ikki oʻyin natijasiga koʻra «Bavariya»ga imkoniyatni boy berib qoʻydi.
FOTO: Getty Images
«Real» ketma-ket ikkinchi mavsumda Chempionlar Ligasining yarimfinaliga chiqa olmadi. Madrid klubi chorak finalda ikki o‘yin natijasiga ko‘ra Myunxenning «Bavariya» jamoasiga imkoniyatni boy berdi.
Dastlabki uchrashuvda Germaniya klubi 2:1 hisobida g‘alaba qozongan bo‘lsa, javob bahsida ham «Bavariya»ning qo‘li baland keldi — 4:3. O‘yin «Arena Myunxen» stadionida bo‘lib o‘tdi va unda Slavko Vinshich bosh hakamlik qildi.
O‘tgan mavsumda ham Madrid klubi aynan shu bosqichda Londonning «Arsenal» jamoasiga mag‘lub bo‘lib (0:3, 2:1), musobaqani tark etgan edi.
Ma’lumot uchun, Chempionlar Ligasining amaldagi g‘olibi «PSJ» hisoblanadi. O‘tgan yilgi finalda Fransiya klubi Milanning «Inter» jamoasini 5:0 hisobida tormor keltirgan edi.
Nasrullo Karimov
Jurnalist