«Real» kelayotgan yozda Valverdeni sotib yuborishi mumkin
Madridning «Real» klubida kiyinish xonasida katta obro‘ga ega bo‘lgan ba’zi futbolchilar jamoa rahbariyatidan yarimhimoyachi va sardor Federiko Valverdeni kelayotgan yozda sotib yuborishni so‘ramoqda. Bu haqda jurnalist Ramon Alvares de Mon xabar berdi.
Manba bergan ma’lumotga ko‘ra, urugvaylik futbolchining sotilishi masalasi «qaymoqranglilar» rahbariyati uchun «juda nozik» mavzu hisoblanadi, bunga Valverdening «Real» bilan birga bosib o‘tgan uzoq va muvaffaqiyatli yo‘li sababdir.
Eslatib o‘tamiz, payshanba kuni, 7 may sanasida mashg‘ulot vaqtida Valverde va yarim himoyachi Aurelian Tchuameni o‘rtasida og‘zaki nizo kelib chiqqani, u keyinchalik kiyinish xonasida mushtlashuvga aylanib ketgani ma’lum bo‘lgan edi. To‘qnashuv natijasida urugvaylik futbolchining boshi yorilgan va u shifoxonaga yetkazilgan edi. Har ikki o‘yinchi ham klub tomonidan 500 ming yevro miqdorida jarimaga tortildi.
