«Real» Ibraima Konate transferini e’lon qildi
Konate “qaymoqranglilar” bilan 2030 yilning iyun oy oxirigacha mo‘ljallangan shartnoma imzoladi.
ФОТО: Getty images
“Real” klubi matbuot xizmati fransuz himoyachisi Ibraima Konate erkin agent maqomida jamoaga o‘tganini e’lon qildi.
Bungacha futbolchi Angliyaning “Liverpul” klubida to‘p surgan edi. Konate “qaymoqranglilar” bilan 2030 yilning iyun oy oxirigacha mo‘ljallangan shartnoma imzoladi.
Eslatib o‘tamiz, Konate yakshanba, 7 iyun kuni o‘z lavozimiga qayta saylangan klub prezidenti Florentino Peresning saylovoldi kampaniyasi paytida va’da qilingan transferlardan biri edi.
Hozirda Ibraima Konate Jahon chempionati — 2026 musobaqasida ishtirok etayotgan Frantsiya terma jamoasi ixtiyorida bo‘lib turibdi.
