“Real” Carrerasning transferini e’lon qildi
Photo: Getty Images
Madridning "Real" klubi "Benfika"dan Alvaro Carrerasni sotib olganini e’lon qildi.
22 yoshli chap qanot himoyachisi 2031 yil 30 iyungacha, 6 yillik shartnoma imzoladi. Carreras seshanba kuni rasman "Real Madrid" futbolchisi sifatida taqdim etiladi.
Transfer narxi 50 million yevro ekani xabar qilingan edi.
Eslatib o‘tamiz, Carreras — "Real Madrid" tarbiyalanuvchisi. U 2017 yildan 2020 yilgacha klubning yoshlar jamoalarida o‘ynagan, shundan so‘ng "Manchester United"ga o‘tgan.
Carreras o‘tgan mavsum 52 ta o‘yinda qatnashib, 4 ta gol urdi va 5 ta golli pas uzatdi.
Bahrom Bobonov
Redaktor