«Real» Araujo'ni transferlar ro'yxatiga kiritdi
Futbolchining bozor qiymati 30 million yevroni tashkil etadi.
ФОТО: Getty images
"Real" klubi bosh murabbiyi Joze Mourinyo "Benfika" markaziy himoyachisi Tomash Araujo'ni jamoaning transfer ro'yxatiga kiritdi. Bu haqda jurnalist Ramon Alvares de Mon ijtimoiy tarmoqda xabar berdi.
Manbaga ko'ra, hozircha "qirolicha klub" 24 yoshli futbolchini sotib olish bo'yicha aniq qadamlar tashlagani yo'q.
O'tgan mavsumda Araujo barcha musobaqalarda 39 ta o'yinda ishtirok etib, 1 ta gol va 2 ta golli uzatma muallifi bo'ldi. Uning klub bilan amalda bo'lgan shartnomasi 2029 yil yozigacha mo'ljallangan.
Transfermarkt ma'lumotiga ko'ra, futbolchining bozor qiymati 30 million yevroni tashkil etadi.