«Real» Alaba bo'yicha bir qarorga keldi

“Real” klubi kelasi yozda avstriyalik himoyachi David Alaba bilan xayrlashadi. Bu haqda Tribal Football xabar berdi.

Manbaga ko'ra, tomonlar kelishuvni uzaytirmaydi. 33 yoshli futbolchining “qirolicha” klubi bilan shartnomasi kelasi yilning yozida yakuniga yetadi.

Shu tariqa, Alaba yozda Madrid grandini erkin agent sifatida tark etadi. Joriy mavsumda u La Liga doirasida bor-yo'g'i 3 ta o'yinda maydonga tushdi.

Agar u jamoani tark etsa, MLSga yo'l olishi mumkin. Unga okean ortidan variantlar bor.

Roziqjon Sultonmurodov

Jurnalist