«Rayo Valyekano» 25 yildan so‘ng evrokuboklar guruh bosqichida ishtirok etadi
Фото: Getty Images
Konferensiyalar ligasi saralash bosqichining so‘nggi uchrashuvlari yakunlandi.
“Rayo Valyekano” o‘z maydonida Belarusning “Neman” klubini 4:0 hisobida mag‘lub etdi. Madridliklar birinchi o‘yinda ham kichik ustunlik bilan g‘alaba qozongandi, - 1:0.
Uchrashuvning 64-daqiqasida Alvaro Garsiya hisobni ochdi. Bir daqiqa o‘tib, Serxio Kamello ikkinchi golga mualliflik qildi. 81-daqiqada Xorxe de Frutos uchinchi, 89-daqiqada Garsiya to‘rtinchi golni urishga muvaffaq bo‘ldi.
Shu tariqa, “Rayo Valyekano” 25 yillik tanaffusdan so‘ng yana evrokuboklarda o‘ynaydi.
Roziqjon Sultonmurodov
Jurnalist