Rasman: Zyule va O‘zjan joriy mavsum oxirida «Borussiya D»ni tark etadi

Dortmundning «Borussiya» klubi himoyachi Niklas Zyule va yarimhimoyachi Salih O‘zjan joriy mavsum yakunida jamoani tark etishini rasman e’lon qildi.

Ruhr Nachrichten nashriga ko‘ra, klub bosh direktori Lars Riken ushbu qaror yuzasidan quyidagilarni qayd etgan:

«Biz joriy haftada har ikki futbolchi bilan ham ochiq va konstruktiv muzokaralar o‘tkazdik. Natijada mavsum oxirida ularni qo‘yib yuborish bo‘yicha kelishuvga erishdik».

Niklas Zyule 2022 yildan buyon Dortmund klubi sharafini himoya qilib, barcha turnirlar doirasida 108 ta o‘yinda maydonga tushgan va 3 ta gol hamda 5 ta golli uzatmani amalga oshirgan. Salih O‘zjan ham 2022 yilda jamoaga kelib qo‘shilgan va 92 ta uchrashuvda ishtirok etib, 2 ta golli uzatmani qayd etgan.

Nasrullo Karimov

Jurnalist