Rasman: Zinedin Zidan Fransiya terma jamoasi bosh murabbiyi etib tayinlandi
Fransiya futbol federatsiyasi afsonaviy futbolchi va murabbiy Zinedin Zidanni mamlakat milliy terma jamoasi bosh murabbiyi etib tayinladi. U ushbu lavozimda 14 yil davomida jamoani boshqargan Dide Deshamning o‘rnini egalladi.
54 yoshli mutaxassis 2021-yilda “Real Madrid”ni tark etganidan buyon ilk bor murabbiylik faoliyatiga qaytmoqda. Zidan Fransiya terma jamoasini 2028-yilgi Yevropa chempionati hamda 2030-yilgi Jahon chempionatiga tayyorlaydi. Uning ilk rasmiy uchrashuvlari sentabr oyida UEFA Millatlar Ligasi doirasida bo‘lib o‘tadi.
Ma'lumot uchun, Zinedin Zidan murabbiy sifatida “Real Madrid” bilan ketma-ket uch marta UEFA Chempionlar Ligasida g‘olib chiqqan tarixdagi ilk mutaxassis hisoblanadi. Shuningdek, u madridliklar bilan ikki marta Ispaniya chempioni, ikki marta UEFA Superkubogi va ikki marta Klublar o‘rtasidagi Jahon chempionatida zafar quchgan.
