Rasman: «Volfsburg» Daniel Bauerni isteʼfoga chiqardi
Mutaxassis jamoani 2025 yilning noyabr oyidan beri boshqarib kelayotgandi.
FOTO: Getty Images
Germaniyaning «Volfsburg» klubi o‘zining 43 yoshli bosh murabbiyi Daniel Bauerni lavozimidan ozod etdi. Bu haqda klub matbuot xizmati rasman ma’lum qildi. Mutaxassis jamoani 2025 yilning noyabr oyidan buyon boshqarib kelayotgan edi.
«Volfsburg» joriy mavsumda Bundesliga doirasida juda muvaffaqiyatsiz ishtirok etmoqda. Jamoa ortda qolgan 25 ta uchrashuvdan so‘ng bor-yo‘g‘i 20 ochko to‘plagan holda, turnir jadvalining quyi qismida — o‘n yettinchi o‘rinda bormoqda.
«Bo‘rilar» endilikda navbatdagi tur doirasida safarda «Hoffenxaym» mehmoni bo‘lishadi. Mazkur bellashuv 14 mart, shanba kuni bo‘lib o‘tadi va Toshkent vaqti bilan soat 19:30da start oladi. Jamoani ushbu o‘yinga kim tayyorlashi hozircha ma’lum qilinmagan.
Nasrullo Karimov
Jurnalist