Rasman: Vitor Pereyra — «Nottingem Forest»ning yangi bosh murabbiyi
Angliyaning «Nottingem Forest» klubi o‘z rasmiy saytida Vitor Pereyraning jamoa bosh murabbiyi etib tayinlanganini e’lon qildi. 57 yoshli portugaliyalik mutaxassis «o‘rmonchilar» bilan 2027/2028 yilgi mavsum yakuniga qadar mo‘ljallangan mehnat shartnomasini imzoladi.
Pereyra «Vulverxempton»dagi faoliyati orqali Angliya chempionati talablari bilan allaqachon tanish. Murabbiy «bo‘rilar» qarorgohini noyabr oyida, klub tizimida bir yildan kamroq vaqt ishlaganidan so‘ng tark etgan edi.
Pereyra joriy mavsumda «Nottingem Forest»ni boshqaradigan to‘rtinchi murabbiyga aylandi. Avvalroq jamoa bilan Nunu Eshpiritu Santu, Angelos Postekoglu va Shon Daych ishlagan edi.
Ayni damda jamoa Premyer-liga turnir jadvalida 17-o‘rinni egallab turibdi. Xavfli hududdan (ligani tark etish zonasi) farq bor-yo‘g‘i uch ochkoni tashkil etmoqda, bu esa klub egalarini elita divizionidagi o‘rnini saqlab qolish uchun keskin choralar ko‘rishga majbur qildi. Portugaliyalik mutaxassis o‘z vazifasini bajarishga darhol kirishadi.
