Rasman: Umarali Rahmonaliyev toʻlaqonli «Sabah» futbolchisiga aylandi
Qozonning «Rubin» klubi o‘z rasmiy saytida Umarali Rahmonaliyevning «Sabah»ga transfer qilinganini e’lon qildi. Avval futbolchi shu Ozarbayjon jamoasida ijarada o‘ynagan bo‘lsa, endi u toʻlaqonli «Sabah» aʼzosiga aylandi.
«Rubin» va «Sabah» yarimhimoyachi Umarali Rahmonaliyevning transferi bo‘yicha kelishuvga erishdi. Sizga barcha yutuqlar va kelgusidagi faoliyatingizda omad tilaymiz, Umarali!» — deb yozilgan qozonliklar matbuot xizmati bayonotida.
21 yoshli Umarali Rahmonaliyev O‘zbekiston terma jamoasi futbolchisi bo‘lib, asosiy vazifasini markaziy yarimhimoyachi sifatida bajaradi. Transfermarkt portali futbolchining bozor qiymatini 800 ming yevro deb baholamoqda. Uning «Rubin» bilan amaldagi shartnomasi 2026 yil yozigacha mo‘ljallangan edi.
