Rasman: Santyago Kastro \"Roma\" futbolchisi
Tomonlar 2031-yilning yoziga qadar mo‘ljallangan uzoq muddatli shartnoma imzolashdi.
Foto: Getty Images
Italiyaning "Roma" klubi argentinalik markaziy hujumchi Santyago Kastroning transferini rasman e’lon qildi. 21 yoshli futbolchi "Bolonya"ni tark etib, rimliklar safiga qo‘shildi.
Ma’lumotlarga ko‘ra, transfer qiymati 35 million yevroni tashkil etgan. Tomonlar 2031-yilning yoziga qadar mo‘ljallangan uzoq muddatli shartnoma imzolashdi. Yangi jamoasida Kastro 9-raqam ostida to‘p suradi.
Santyago Kastro 2024-yilda Argentinaning "Veles Sarsfild" klubidan "Bolonya"ga ko‘chib o‘tgan edi. U Italiya klubi safida 105 ta uchrashuvda maydonga tushib, 22 ta gol va 11 ta assist muallifiga aylandi.
Qayd etilishicha, ushbu transfer doirasida ukrainalik hujumchi Artem Dovbik mavsum oxirigacha sotib olish huquqi bilan "Bolonya"ga ijaraga yuborildi.
Nasrullo Karimov
Jurnalist