Rasman: «Roma» «Aston Villa» hujumchisini ijaraga oldi
«Roma» klubi rasmiy sayti orqali «Aston Villa» hujumchisi Doniyell Malen bilan ijaraga shartnoma tuzganini e’lon qildi. Shartnomada sotib olish opsiyasi mavjud, biroq moliyaviy tafsilotlar oshkor etilmagan. Niderlandiyalik futbolchi «Roma» safida 14-raqam ostida to‘p suradi.
«Rimga xush kelibsiz, Doniyell!» — deya klub matbuot xizmati futbolchini qarshi oldi.
Eslatib o‘tamiz, 26 yoshli hujumchi avval PSV, Dortmundning «Borussiya» va «Aston Villa» klublarida o‘ynagan. Ushbu jamoalarda jami 294 ta o‘yinda maydonga tushib, 104 ta gol urgan.
Shuningdek, Doniyell Malen Niderlandiya terma jamoasi futbolchisi hisoblanadi. Milliy jamoa safida u 49 ta uchrashuv o‘tkazib, 13 ta gol muallifi bo‘lgan. Futbolchi terma jamoa bilan bir nechta yirik turnirlarda — Yevro-2020 va Yevro-2024 musobaqalarida ishtirok etgan.
