Rasman: Reshfordning «Nyukasl» darvozasiga urgan goli Chempionlar Ligasi umumiy bosqichining eng chiroylisi deb topildi
Yevropa futbol assotsiatsiyalari ittifoqi (UEFA) o‘z rasmiy saytida Chempionlar Ligasining umumiy bosqichidagi eng yaxshi gol bo‘yicha o‘tkazilgan ovoz berish natijalarini e’lon qildi. Unda «Barselona» hujumchisi Markus Reshfordning 1-tur doirasida «Nyukasl»ga qarshi bahsda (2:1) kiritgan ikkinchi goli g‘olib deb topildi.
E’tiborli jihati, muxlislar o‘rtasida o‘tkazilgan so‘rovnomada ikkinchi o‘rinni «Benfika» darvozaboni Anatoliy Trubinning Madridning «Real» klubi darvozasiga (4:2) yo‘llagan zarbasi egalladi. Aynan ushbu gol evaziga Portugaliya klubi Chempionlar Ligasining pley-off bosqichiga yo‘llanma oldi. Qiziqarli tomoni, qur’a natijasiga ko‘ra, «Benfika» o‘tish o‘yinlarida yana «qaymoqranglilar» bilan to‘qnash keladi. Ushbu bahslar 17 va 25 fevral kunlari bo‘lib o‘tishi belgilangan.
Kuchli uchlikka «Olimpiakos» futbolchisi Shikinyuning «Real» bilan kechgan dramatik bahsdagi (3:4) goli yakun yasadi.
