Rasman: Pellegrini «Betis» bilan shartnomasini uzaytirdi
Tomonlar oʻrtasida yana bir mavsumga moʻljallangan bitim tuzildi.
FOTO: Getty Images
«Betis» bosh murabbiyi Manuel Pellegrini klub bilan shartnomasini yana bir mavsumga uzaytirdi. Bu haqda andalusiyaliklar matbuot xizmati rasman eʼlon qildi.
72 yoshli chiliyalik mutaxassis Sevilyada o‘zini juda qulay his qilmoqda va jamoani 2027 yil iyunigacha boshqaradi.
Pellegrini «Betis»ga 2020 yil yozida kelgan. Uning rahbarligi ostida klub 2022 yilda Ispaniya Kubogini qo‘lga kiritdi va ketma-ket beshta Yevropa musobaqasida ishtirok etdi, jumladan, 2024/2025 mavsumida tarixiy UEFA Konferensiyalar Ligasining finaliga chiqdi.
Manuel Pellegrini — «Betis»ning Ispaniya chempionatlari va Yevropa turnirlarida eng ko‘p o‘yin o‘tkazgan murabbiyi hamda jamoani boshqarishda eng ko‘p g‘alabaga erishgan rekordchi murabbiy hisoblanadi.
Nasrullo Karimov
Jurnalist