Rasman! Maykl Kerrik “Manchester Yunayted”ning doimiy bosh murabbiyiga aylandi
Tomonlar oʻrtasida 2028-yilga qadar moʻljallangan shartnoma imzolandi.
FOTO: Getty Images
Vaqtincha “Manchester Yunayted”ni boshqarib kelayotgan Maykl Kerrik rasman jamoaning yangi bosh murabbiyiga aylandi. Bu haqda mankunianliklar matbuot xizmati xabar berdi.
Manbaga koʻra, tomonlar oʻrtasida 2028-yilga qadar moʻljallangan shartnoma imzolandi.
Maʼlumot uchun, 44 yoshli mutaxassis joriy yilning yanvar oyida Ruben Amorim isteʼfoga chiqarilgach, jamoani qabul qilib olgandi. Uning boshqaruvida “qizil iblislar” APL'dagi 15 ta oʻyinda 10 ta gʻalaba qayd etib, Chempionlar Ligasi yoʻllanmasini qoʻlga kiritdi.
Nasrullo Karimov
Jurnalist
