Rasman: Maskerano «Inter Mayami» bosh murabbiyligidan ketdi
Argentinalik mutaxassisning floridaliklar bilan tuzgan shartnomasi 2027 yilga qadar moʻljallangan edi.
FOTO: Getty Images
«Inter Mayami» bosh murabbiyi Xavyer Maskerano egallab turgan lavozimidan ketishga qaror qildi. Bu haqda klub matbuot xizmati xabar bermoqda.
«Xavyer Maskerano bosh murabbiy sifatidagi faoliyatini yakunlashga qaror qildi. O‘z shtabi bilan birga «Inter Mayami» oilasining ajralmas qismiga aylangan va klubimizning ilk yulduzi (chempionligi) bilan nomi abadiy bog‘lanib qolgan chempion», — deyiladi «flamingo»lar bayonotida.
Argentinalik mutaxassis «Inter Mayami»ni 2025 yilning boshida qabul qilib olgan edi. Uning amaldagi shartnomasi 2027 yil yakuniga qadar mo‘ljallangan edi. Maskerano qo‘l ostida jamoa MLS Kubogida g‘olib chiqishga muvaffaq bo‘ldi.
Nasrullo Karimov
Jurnalist