Rasman: Leandro Trossard «Beşhiktosh» futbolchisiga aylandi
Belgiyalik vinger Leandro Trossard rasman "Arsenal"dan Turkiyaning "Beşhiktosh" klubiga o'tdi. Bu haqda Istanbul klubi matbuot xizmati xabar berdi.
31 yoshli futbolchi bilan uch yillik shartnoma imzolandi. Bitimda uni yana bir yilga uzaytirish imkoni ham ko'zda tutilgan.
Transfermarkt ma'lumotlariga ko'ra, transferning kafolatlangan qismi 18 million yevroga teng. Shuningdek, "Arsenal" qo'shimcha 2 million yevroni bonuslar ko'rinishida qabul qilishi mumkin.
Shu bilan birga, Trossard tibbiy ko'rikdan o'tish uchun allaqachon Istanbulga yetib kelgani ham ma'lum qilindi.
Leandro Trossard 2023 yil qishida "Brayton"dan 24 million yevro evaziga "Arsenal" safiga qo'shilgan edi. U 2025/2026 yilgi mavsumda barcha musobaqalarda 50 ta uchrashuvda ishtirok etib, 8 ta gol urdi va 10 ta golli uzatmani amalga oshirdi.