Rasman. Kimpembe Qatar klubiga o‘tdi
Фото: Қатар СК
"PSJ"ning markaziy himoyachisi Presnel Kimpembe faoliyatini Qatarda davom ettiradi.
Futbolchi “Qatar SK”ga o‘tdi. Bu haqda Parij klubi o‘zining rasmiy saytida e’lon qildi.
30 yoshli futbolchi yangi jamoasi bilan bir yillik bitim imzoladi. Tomonlar kelishuvni yana bir yilga uzaytirish imkoniyatiga ega.
Kimpembe "PSJ" akademiyasiga 2005 yilda 10 yoshida kelib qo‘shilgandi.
Vaqt o‘tishi bilan himoyachi asosiy tarkib futbolchisiga aylandi. Presnel "PSJ" asosiy jamoasida 241 ta rasmiy o‘yin o‘tkazib, 3 ta gol urdi va jamoadoshlariga ikkita golli uzatma berdi.
Roziqjon Sultonmurodov
Jurnalist