Rasman! Job Bellingem faoliyatini “Borussiya Dortmund”da davom ettiradi
Angliyaning «Sanderlend» jamoasida to‘p surgan yarim himoyachi Job Bellingem endilikda «Borussiya Dortmund» safida faoliyat olib boradi. Klub rasmiy saytida ma’lum qilinishicha, futbolchi bilan 2030-yilgacha mo‘ljallangan shartnoma imzolangan.
Manbaga ko'ra, Job Bellingemga «Ayntraxt» va «RB Leypsig» ham da’vogarlik qilgan, ammo u o‘zining akasi Jud Bellingem «Real»ga o‘tishidan oldin to‘p surgan klubni tanladi.
Ma'lumot uchun, o‘tgan mavsum Chempionshipda 19 yoshli Bellingem 43 uchrashuvda ishtirok etib, 4 ta gol va 3 ta golli uzatma muallifi bo‘ldi. Uning yordamida «Sanderlend» pley-off orqali Angliya Premyer-ligasiga yo‘l oldi.
Eslatib o‘tamiz, «Borussiya» Bundesliga 2024/25-yilgi mavsumida 57 ochko jamg‘arib, 4-o‘rinni egalladi. Klub «Bavariya»dan 25 ochkoga ortda qoldi.
