Rasman: Jakomo Raspadori — «Atalanta» futbolchisi

«Atalanta» klubi rasmiy sayti orqali hujumchi Jakomo Raspadorining «Atletiko»dan to‘liq transferini e’lon qildi. Italiyalik futbolchi yangi jamoasida 18-raqam ostida to‘p suradi.

25 yoshli forvard 2025 yil avgust oyida «Napoli»dan «matraschilar» safiga kelib qo‘shilgandi. «Atletiko»dagi faoliyati davomida Raspadori 15 ta uchrashuvda maydonga tushib, 2 ta gol urdi va 3 ta golli uzatmani amalga oshirdi. Umumiy hisobda u madridliklar safida 424 daqiqa harakat qildi.

Futbolchining «Atletiko» bilan tuzilgan shartnomasi 2030 yilgacha mo‘ljallangan edi. Transfermarkt portali ma’lumotlariga ko‘ra, Jakomo Raspadorining bozor qiymati 22 million yevroni tashkil etadi.

Nasrullo Karimov

Jurnalist