Rasman: Igor Tyago «Brentford» bilan shartnomasini uzaytirdi
Tomonlar oʻrtasida 2031 yilga qadar moʻljallangan yangi kelishuv imzolandi.
FOTO: Getty Images
«Brentford» hujumchisi Igor Tyago klub bilan yangi uzoq muddatli shartnoma imzoladi. Bu haqda klub rasmiy sayti ma’lumot tarqatdi.
Klub xabariga ko‘ra, 24 yoshli futbolchi bilan tuzilgan yangi kelashuv 2031 yilning yoziga qadar amal qiladi va uni yana bir yilga uzaytirish imkoniyati mavjud.
Eslatib oʻtamiz, Braziliyalik hujumchi 2024 yildan buyon «Brentford» sharafini himoya qilib kelmoqda.
Maʼlumot uchun, joriy mavsumda Igor Tyago Angliya Premyer-ligasida 26 ta o‘yinda maydonga tushib, 17 ta gol va bitta golli uzatmani amalga oshirdi. Shuningdek, uning hisobida Angliya Liga kubogidagi bitta o‘yin va bitta gol ham bor. Transfermarkt portali futbolchining bozor qiymatini 35 million yevroga baholamoqda.
Nasrullo Karimov
Jurnalist