Rasman: Fermin Lopes «Barselona» bilan shartnomasini 2031 yilgacha uzaytirdi
«Barselona» hujumkor yarimhimoyachisi Fermin Lopes klub bilan amaldagi kelishuvini 2031 yilga qadar uzaytirdi. Bu haqda «ko‘k-anorranglilar» matbuot xizmati ma’lum qildi.
Avvalroq OAVda 22 yoshli xavbekning yangi shartnomaga ko‘ra maoshi ikki baravarga oshishi haqida xabarlar tarqalgan edi. Shuningdek, Lopesning tovon puli miqdori ham ikki baravarga ko‘paytirilishi ta’kidlangan.
Yarimhimoyachi «Barselona» akademiyasi tarbiyalanuvchisi hisoblanadi. U 13 yoshida «Betis» akademiyasidan Kataloniya klubiga o‘tgan edi. Lopes «ko‘k-anorranglilar»ning asosiy jamoasi safida barcha turnirlarda jami 114 ta uchrashuvda maydonga tushib, 29 ta gol va 22 ta samarali uzatmaga mualliflik qildi.
Transfermarkt portali ma’lumotlariga ko‘ra, futbolchining ayni damdagi bozor qiymati 70 million yevroni tashkil etmoqda.
