Rasman: Diego Koppola \"Parij\" futbolchisiga aylandi
Fransiyaning "Parij" klubi 22 yoshli markaziy himoyachi Diego Koppolaning transferini to‘liq sotib olganini rasman e’lon qildi. Bu haqda klub matbuot xizmati xabar berdi.
Avvalroq "Brayton"dan ijaraga asosida jamoaga qo‘shilgan italiyalik futbolchi endi to‘liq huquqli ravishda "Parij" safida harakat qiladi. Tomonlar 2031 yilgacha amal qiladigan uzoq muddatli shartnoma imzolashdi.
Koppola o‘tgan mavsum barcha musobaqalarda 23 ta uchrashuvda maydonga tushib, 4 ta golli uzatmani amalga oshirdi.
Diego Koppola "Ellas Verona" akademiyasi tarbiyalanuvchisi hisoblanadi. U asosiy jamoada ilk debyutini 2021 yil 15 dekabr kuni Italiya kubogi doirasida "Empoli"ga qarshi bahsda o‘tkazgan. 2022 yil 16 yanvar kuni esa "Sassuolo"ga qarshi o‘yinda ilk bor Italiya A Seriyasida maydonga tushgan.
2025 yil 17 iyun kuni u Angliyaning "Brayton" klubiga ko‘chib o‘tgan edi.
