Rasman: “Chikago Fayr” Robert Levandovski transferini e’lon qildi
37 yoshli hujumchi endi faoliyatining yangi bosqichini AQShda davom ettiradi.
Foto: Getty Images
MLS vakili “Chikago Fayr” polshalik yulduz hujumchi Robert Levandovski bilan shartnoma imzolanganini rasman e’lon qildi.
Klub matbuot xizmati o‘z bayonotida Levandovskini “jahon futboli ikonasi va Polsha terma jamoasi tarixidagi eng yaxshi to‘purar” sifatida ta’riflagan.
Levandovski 2022-yil yozidan buyon “Barselona” sharafini himoya qilib kelayotgandi. O‘tgan mavsumda u barcha turnirlar doirasida 46 ta o‘yinda maydonga tushib, 19 ta gol va 4 ta assist qayd etdi.
37 yoshli hujumchi endi faoliyatining yangi bosqichini AQShda davom ettiradi. U MLSda “Chikago Fayr” hujum chizig‘ining asosiy yulduziga aylanishi kutilmoqda.
Ma’lumot uchun, “Chikago Fayr” ayni vaqtda MLS Sharqiy konferensiyasi turnir jadvalida uchinchi o‘rinda bormoqda.
Nasrullo Karimov
Jurnalist