Rasman: «Borussiya D» Kovach bilan shartnomani 2029-yilgacha uzaytirdi

Dortmundning «Borussiya» klubi bosh murabbiy Niko Kovach bilan shartnomani uzaytirdi. Bu haqda jamoa matbuot xizmati rasman xabar berdi.

Yangi kelishuvga ko‘ra, 54 yoshli mutaxassis «arilar» boshqaruvida 2029-yil yozigacha qoladi. Shuningdek, Kovachning yordamchilari ham Germaniya klubi bilan yangi shartnomalar imzoladi. Xorvatiyalik murabbiy 2025-yil yanvaridan beri dortmundliklarga ustozlik qilib kelmoqda.

Ma’lumot uchun, Germaniya chempionatining 5-turidan so‘ng «Borussiya» 13 ochko bilan turnir jadvalida ikkinchi o‘rinda bormoqda.

Eslatib o‘tamiz, Kovach shogirdlari navbatdagi bahsni 17-oktabr kuni safarda Berlinning «Union» klubiga qarshi o‘tkazadi.

Roziqjon Sultonmurodov

Jurnalist

0 0 0 0 0 0