Rasman: «Aston Villa» Garnachoni o‘z safiga qo‘shib oldi
Ijara muddati bir yilni tashkil etadi.
Фото: Aston Villa
Argentinalik vinger Alejandro Garnacho faoliyatini "Aston Villa"da davom ettiradi. "Chelsi" 22 yoshli futbolchini bir mavsumga ijaraga berdi. Shu bilan Garnacho 2026/27 yilgi mavsumni Unai Emeri jamoasida o‘tkazadi.
Ma'lumotlarga ko‘ra, kelishuvda ma'lum shartlar bajarilgan taqdirda transferni doimiy asosda rasmiylashtirish majburiyati ham mavjud. Bu holatda "Aston Villa" Garnachoni taxminan 42,5 million funt sterling evaziga sotib olishi mumkin.
Garnacho o‘tgan yili "Manchester United"dan "Chelsi"ga o‘tgan edi, ammo londonliklar safida doimiy asosiy tarkibdan joy ololmadi. Shu sababli klub va futbolchi yangi mavsum oldidan ijara variantini ma'qul ko‘rishdi.
Roziqjon Sultonmurodov
Jurnalist