Rasman: Arbeloa — «Fulhem» bosh murabbiyi
“Fulhem” o‘zining rasmiy saytida Alvaro Arbeloa bosh murabbiy lavozimiga tayinlanganini e’lon qildi. 43 yoshli ispaniyalik mutaxassis Marku Silvaning o‘rnini egalladi va 2029 yil yozigacha amal qiladigan uch yillik shartnomaga imzo chekdi.
Arbeloa 13 yanvardan beri “Real”ni boshqarib kelayotgan edi va 2025/26 yilgi mavsum yakunida klubni tark etdi. Madrid jamoasi uning qo‘l ostida 86 ochko jamg‘arib, Ispaniya chempionati turnir jadvalida 2-o‘rinni egalladi. Ispaniyalik mutaxassis boshqaruvida jamoa 28 ta o‘yin o‘tkazdi: 18 ta g‘alaba, 2 ta durang va 8 ta mag‘lubiyat.
“Fulhem” 2025/26 yilgi mavsumda 52 ochko to‘plab, jadvalda 11-o‘rinni egallagan edi. 2 iyun kuni London klubi Marku Silva bosh murabbiylik lavozimini tark etganini e’lon qilgandi.
