Rasman: 39 yoshli Olivye Jiru «Lill» bilan shartnomasini uzaytirdi
Fransiyaning «Lill» klubi rasmiy saytida 39 yoshli hujumchi Olivye Jiru bilan shartnoma uzaytirilganini e’lon qildi.
«Bu yerdagi sarguzashtlarimni davom ettirayotganimdan juda xursandman. «Lill»da o‘zimni ajoyib his qilyapman, menga bu yerda hamma narsa yoqadi. Joriy mavsumda Lillda, shuningdek, barcha Fransiya stadionlarida muxlislarning meni qabul qilishi qalbimni chin dildan tog‘ qildi. Eng muhimi, men astoydil mehnat qiladigan, o‘z uslubi va natijalari bilan boshqalardan ajralib turadigan «Lill» klubining qadriyatlarini qo‘llab-quvvatlayman. Men doimo ko‘prog‘iga intilaman va yangi mavsumda ham buni davom ettirib, yanada yaxshi natijalarga erishishga qat’iy qaror qildim», — deya Jiruning so‘zlarini keltirmoqda «doglar» rasmiy sayti.
Ortda qolgan klub mavsumidagi 44 ta o‘yinda Jiru 11 ta gol urdi va bitta golli uzatmani amalga oshirdi. Avvalroq futbolchi «Monpelye», «Arsenal», «Chelsi», «Milan», «Los-Anjeles» va boshqa jamoalarda ham to‘p surgan. Fransiya terma jamoasi safida esa futbolchi jahon chempioni bo‘lgan.