Rasman: 2028-yilgi UEFA Superkubogi Qozog‘istonda o‘tkaziladi
2028-yilgi UEFA Superkubogi Qozog‘iston poytaxti Astanada bo‘lib o‘tadi. Uchrashuvga “Astana Arena” stadioni mezbonlik qiladi. Mazkur qaror UEFA Ijroiya qo‘mitasining 15-sentabr kuni o‘tkazilgan yig‘ilishida qabul qilindi.
Shuningdek, 2027-yilgi UEFA Superkubogi Niderlandiyaning Amsterdam shahridagi “Yohan Kroyff Arena”da o‘tkazilishi tasdiqlandi. Bir yil o‘tib esa Chempionlar Ligasi va Yevropa Ligasi g‘oliblari Astanada sovrin uchun bahs olib boradi.
UEFA Superkubogi har yili Chempionlar Ligasi va Yevropa Ligasi g‘oliblari o‘rtasida bitta uchrashuv shaklida o‘tkaziladi. Mazkur bahs odatda Yevropa klublari uchun yangi mavsum oldidan o‘tkaziladigan eng nufuzli uchrashuvlardan biri hisoblanadi.
Ma’lumot uchun, 2026-yilgi UEFA Superkubogi Avstriyaning Zalsburg shahrida bo‘lib o‘tgan. Unda PSJ “Aston Villa”ni 2:1 hisobida mag‘lub etib, sovrinni qo‘lga kiritgan.
