Ramos bugun «Sevilya»ning egasiga aylanishi mumkin
«Sevilya»ning sobiq himoyachisi Serxio Ramos klubning egasi bo‘lish arafasida turibdi.
COPE ma'lumotiga ko‘ra, tomonlar o‘rtasidagi muzokaralar muvaffaqiyatli olib borilmoqda va kelishuv tuzish ehtimoli ancha yuqori baholanmoqda. Ramos investitsiya kompaniyasi Five Eleven Capital bilan birgalikda klubning hozirgi aktsiyadorlari bilan muzokaralarda ishtirok etmoqda. Manbaning xabar berishicha, so‘nggi kelishuv hujjatlari allaqachon bugun rasmiylashtirilishi mumkin.
Avvalroq OAVda «Sevilya»ni sotish summasining taxminan 450 million yevroga teng ekani haqida ma'lumotlar tarqalgan edi. Shuningdek, hozirgi aksiya egalari allaqachon bu bitimga avvaldan rozilik bildirgan.
Serxio Ramos — Andalusiya klubi tarbiyalanuvchisi. U «Sevilya» asosiy jamoasi safida 2003–2005 yillarda o‘ynagan va keyin 2023/2024 mavsumida yana klubga qaytgan.
