Rahimjon Davronov “Andijon” aʼzosiga aylandi

“Andijon” klubi seleksiya jarayonidagi yana bir transferini ajoyib darvozabon - Rahimjon Davronov orqali amalga oshirdi.

"Mavsumni “Lokomotiv” tarkibida oʻtkazib Superligaga chiqishida katta hissa qoʻshgan posbon jamoamiz bilan kelishuvga erishdi.

Maʼlumot uchun, 1996-yiling 3-oktyabr sanasida Muborakda tavallud topgan. Faoliyatini “Mashʼal”da boshlagan. Soʻngra “Buxoro”, “Navbahor”, “Turon”, “Metallurg” hamda “Lokomotiv” darvozalarini qoʻriqlagan. U joriy mavsumda “Loko” safida 23 ta oʻyin oʻtkazdi.

Oʼz vaqtida Oʼzbekiston U23 safida Osiyo chempionligiga sazovor boʼlgan.

Yangi mavsumda Davronovning “Andijon”dagi faoliyatiga omad tilaymiz.

Rahimjon, “Andijon”ning ahil oilasiga xush kelibsan!",-deb yoziladi klub rasmiy sahifasida.

Ibrohim Jalolov

Redaktor