Rafinya “Barselona” mashg‘ulotini o‘tkazib yubordi
“Barselona”ning braziliyalik hujumchisi Rafinya jamoaning navbatdagi mashg‘ulotida ishtirok etmadi. Futbolchining Ispaniya chempionatida “Xetafe”ga qarshi bo‘lib o‘tadigan uchrashuvdagi ishtiroki so‘roq ostida qolmoqda. Bu haqda jurnalist Aleks Pintanelga tayanib, Barca Universal nashri xabar bermoqda.
Manbaga ko‘ra, 29 yoshli futbolchi 8-oktabr, payshanba kuni “Barselona”ning umumiy mashg‘ulotlarida qatnashmagan. Biroq uning “Xetafe”ga qarshi uchrashuvda maydonga tushish ehtimoli hozircha istisno qilinmagan. Braziliyalik hujumchi 9-oktabr kuni tibbiy ko‘rikdan o‘tishi rejalashtirilgan.
Avvalroq Rafinya tizzasidagi noqulaylik sabab Braziliya terma jamoasi ixtiyorini muddatidan oldin tark etgandi. Kataloniya klubi futbolchining holatini diqqat bilan kuzatmoqda. Uning navbatdagi uchrashuvda ishtirok etishi tibbiy tekshiruv natijalariga bog‘liq bo‘ladi.
Ma’lumot uchun, Rafinya 2026/27-yilgi mavsumda “Barselona” safida barcha musobaqalarda 8 ta uchrashuvda maydonga tushib, 14 ta gol va 3 ta golli uzatmani amalga oshirgan. Kataloniyaliklar 10-oktabr kuni La Liga doirasida “Xetafe”ni qabul qiladi.
