Raffale Palladino «Atalanta» bosh murabbiyligidan isteʼfoga chiqarildi
Bergamoning «Atalanta» klubi bosh murabbiyi Raffaele Palladino egallab turgan lavozimidan ozod etildi. Bu haqda klub matbuot xizmati xabar bermoqda.
Italiyalik mutaxassis bilan birga uning shtabida faoliyat yuritgan assistentlari — Stefano Chitterio, Federiko Peluzo, Fabio Korabi, Nikola Riva, Mattia Kazella, Andrea Ramponi va Andrea Berti ham A Seriya klubini tark etgan.
«Atalanta» klubi Raffaele Palladino va uning shtabiga fidokorona mehnati uchun minnatdorchilik bildiradi hamda kelgusi faoliyatida omad tilaydi», — deyiladi klub rasmiy saytida eʼlon qilingan bayonotda.
Eslatib oʻtamiz, Palladino oʻtgan yilning noyabr oyida serbiyalik Ivan Yurich isteʼfoga chiqarilgach, «Atalanta» boshqaruvini qoʻlga olgan edi. Yakunlangan 2025/2026 yilgi mavsumda Bergamo jamoasi Italiya chempionatini 7-oʻrinda yakunladi.
