Rafael Markes Meksika terma jamoasi bosh murabbiyi etib tayinlandi
Meksika futbol federatsiyasi Rafael Markesni milliy terma jamoa bosh murabbiyi lavozimiga tayinlanganini rasman e’lon qildi. 47 yoshli mutaxassis bilan tuzilgan kelishuv 2030-yilga qadar mo‘ljallangan. Markes ushbu lavozimda Jahon chempionati — 2026 dagi muvaffaqiyatsizlikdan so‘ng jamoani tark etgan Xavyer Agirrening o‘rnini egalladi.
Rafael Markes 2024-yilning iyul oyida Agirrening yordamchisi sifatida milliy terma jamoa murabbiylar shtabiga qo‘shilgan edi. Bungacha u «Barselona B» jamoasida faoliyat olib borgan. Futbolchilik faoliyati davomida meksikalik himoyachi «Atlas», «Monpele», «Barselona», «Nyu-York Red Bullz» va «Verona» kabi klublarda to‘p surgan. Meksika terma jamoasi safida 148 ta o‘yinda maydonga tushib, 18 ta gol urgan hamda beshta jahon chempionatida ishtirok etgan.
Ma’lumot uchun, Meksika terma jamoasi 2026-yilgi jahon chempionatida nimchorak finalga qadar yetib borib, 1/8 final bosqichida Angliya termasiga 2:3 hisobida imkoniyatni boy bergan edi.
