Qozogʻistonlik UFC jangchisi bir yilga diskvalifikatsiya qilindi
Eng yengil vazn toifasidagi(57 kg gacha) qozog‘istonlik UFC jangchisi Alibi Idiris muvaffaqiyatsiz topshirilgan doping-test natijasiga ko‘ra bir yilga diskvalifikatsiya qilindi. Bu haqda tashkilot matbuot xizmati xabar berdi.
Idirisning qonidan gidroxlorotiazid moddasi topilgan. Bu modda dorixonalarda sotiladigan diuretik bo‘lib, sportchilar odatda vazn tashlash jarayonini tezlashtirish uchun undan foydalanadilar. Mazkur taqiqlangan modda sportchining fevral oyida bo‘lib o‘tgan UFC Fight Night 267 turniridagi ishtirokidan bir necha kun avval olingan tahlil namunalarida aniqlangan.
Alibi Idiris hozirda 31 yoshda. Qozog‘istonlik sportchi professional aralash yakkakurash (MMA) ustasi sifatida 2019 yilda debyut qilgan bo‘lsa, 2025 yildan buyon UFC sharafini himoya qilib kelmoqda. Uning mazkur nufuzli tashkilotdagi hisobida hozircha bitta g‘alaba va bitta mag‘lubiyat mavjud.
