Qozog‘iston O‘zbekiston terma jamoasining etakchilaridan birini “o‘ziniki” deb atadi
O‘zbekiston milliy terma jamoasi tarixida ilk bor 2026 yilgi Jahon chempionatiga yo‘llanma oldi. Ushbu ulkan muvaffaqiyatda muhim o‘rin egallagan futbolchi — darvozabon O‘tki Yusupov bo‘ldi. U hal qiluvchi o‘yinda jamoaning asosiy qahramonlaridan biriga aylandi va O‘zbekiston mundialga muddatidan oldin chiqishini ta’minladi.
Qizig‘i shundaki, Yusupov 1991 yilda Qozog‘istonning Sayram shahrida tug‘ilgan. Aynan shu fakt ayrim qozog‘istonlik foydalanuvchilar uchun yetarli bo‘lib, ular ijtimoiy tarmoqlarda Yusupovni “Qozog‘iston faxri” deb atashdi. Ko‘plab qozog‘istonlik futbol ishqibozlari skautlarni tanqid qilib, bunday iqtidorli futbolchini o‘z vaqtida ko‘rmay qolishganidan afsuslanishdi.
Biroq Yusupovning futbolchilik yo‘li aynan O‘zbekistonda boshlangan. U 2012 yilda “Mash’al” klubi bilan shartnoma imzolagan va asta-sekin jamoaning etakchi o‘yinchilari qatoriga kirgan. 2018 yilda esa O‘zbekiston milliy jamoasi safida debyut qilgan. Hozirgacha terma jamoa safida 40 ta uchrashuvda maydonga tushgan.
O‘tki Yusupovning ishonchli o‘yini va bosimli vaziyatlardagi xatolarsiz harakatlari uni jamoaning ajralmas qismlaridan biriga aylantirdi.
