«Qo‘qon-1912» jamoasi muxlislari uchun Samarqandga bepul transport tashkil etiladi
O‘yin 21 noyabr kuni bo‘lib o‘tadi.
Фото: Қўқон-1912 ПФК
Xabaringiz bor, 21-noyabr kuni "Qo‘qon-1912" jamoasi Superliganing 29-turida "Dinamo" jamoasiga qarshi maydonga tushadi. Uchrashuv 18:15 da Samarqanddagi "Dinamo" stadionida bo‘lib o‘tadi.
Jamoamiz rahbariyati muxlislarimizga qulaylik yaratish maqsadida, ular osonlik bilan Samarqanddagi o‘yinga borib kelishlari uchun bepul 10 ta mikroavtobus tashkil qilmoqda.
"Mikroavtobuslar 21-noyabr kuni Qo‘qondagi "Markaziy" stadiondan soat 05:00 da harakatini boshlaydi. Joylar soni cheklanganligi sababli ushbu bahsga borishni istaganlar "Qo‘qon-1912" jamoasining muxlislar bilan ishlash rahbari Isroilov Qahramonjon bilan aloqaga chiqishlarini so‘rab qolamiz", - deyiladi xabarda.
