«Qizilqum»ning Turkiyadagi yig‘in doirasida uchrashadigan raqiblari aniq bo‘ldi
Yangi mavsumga tayyorgarlik doirasida “Qizilqum” Turkiyaning Antaliya shahrida xorij yig‘inida ishtirok etadi. Akmal Rustamov boshchiligidagi jamoa ushbu yig‘in davomida bir nechta nazorat uchrashuvlarida maydonga tushadi.
Klub matbuot xizmati xabariga ko‘ra, “Qizilqum”ning o‘rtoqlik bahslaridagi dastlabki raqiblari allaqachon ma’lum bo‘ldi.
Navoiyliklar 24 yanvar kuni Rossiyaning “SKA Xabarovsk” klubiga qarshi maydonga tushadi. 27 yanvar kuni esa “Fakel” (Rossiya) bilan o‘yin o‘tkaziladi.
30 yanvar kuni “Qizilqum” Makedoniyaning “Tikvesh” jamoasiga qarshi bahs olib boradi. 10 fevral kuni esa Chexiyaning “Prosteyov” klubi navoiyliklarning raqibi bo‘ladi.
3 va 6 fevral kunlariga belgilangan navbatdagi ikki uchrashuv bo‘yicha raqiblar keyinroq ma’lum qilinadi.
