Qashqadaryolik yosh futbolchilar “Nasaf” o'quv-mashg'ulot bazasiga tashrif buyurishdi
Qashqadaryo futbol akademiyasining yosh futbolchilari "Biz bir jamoa" shiori ostida "Nasaf" PFK o‘quv-mashg‘ulotlar bazasida bo‘lishdi.
U yerda bolalar futbolchilarga yaratilgan shart-sharoitlarni ko‘zdan kechirishdi. "Nasaf" jamoasi bosh murabbiysi Ro‘ziqul Berdiyev yosh futbolchilarga zarur bo‘lgan tavsiyalarni berdi.
“Yaxshi futbolchi bo‘lish uchun eng avvalo ona yurtni sevish kerak, yurtga muhabbati yuksak inson har jabhada muvaffaqiyatga erishadi”, - dedi Ro’ziqul Berdiyev.
Berdiyev yoshlarga qarata - “G‘alaba bu mehnat, tirishqoqlik, intilish va g‘urur. Buni hech qachon yoddan chiqarmang”.
Bo'lajak futbolchilar "Nasaf" jamoasini futbol mashg‘ulotlarini stadiondan tomosha qilishdi. Tadbir so‘ngida futbolchilar va bolajonlar bilan esdalik uchun suratga tushishdi.
