«PSJ» yozda «Bavariya»dan Oliseni sotib olmoqchi — L'Equipe

PSJ shu yozda Bavariya qanot hujumchisi Maykl Oliseni sotib olishni istamoqda. Bu haqda L'Equipe xabar bermoqda.

Manbaga ko'ra, Parij klubi fransiyalik vingerni o'z safiga qo'shilishga ko'ndira olishiga ishonmoqda. Moliyaviy omil PSJ uchun to'siq bo'lmaydi. Bundan tashqari, hujumchi Bredli Barkolaning ehtimoliy ketishi Olise transferining amalga oshishiga yordam berishi mumkin.
O'tgan mavsumda Olise barcha turnirlardagi 52 ta uchrashuvda ishtirok etib, 22 ta gol va 31 ta samarali uzatma bilan ajralib turdi.

Futbolchining klub bilan amaldagi mehnat shartnomasi 2029 yilning yozigacha mo'ljallangan.

Transfermarkt portali taqdim etgan ma'lumotlarga ko'ra, futbolchining bozor qiymati 150 mln yevroni tashkil etadi.

Roziqjon Sultonmurodov

Jurnalist

0 0 0 0 0 0