«PSJ» Yamal transferi uchun qancha to'lamoqchi?

“Barselona” vingeri Lamin Yamal futbol tarixidagi eng qimmat o'yinchiga aylanishi mumkin. Bu haqda Defensa Central nashri xabar berdi.

Qayd etilishicha, "PSJ" 18 yoshli futbolchi uchun 230 million yevro to'lashga tayyor. Agar tomonlar kelishuvga erishsa, bu transfer futbol tarixidagi eng qimmat bitimga aylanadi.

Hozircha Neymarning "Barselona"dan "PSJ"ga 222 million yevro evaziga o'tishi eng qimmat transfer hisoblanadi.

Joriy mavsum Yamal barcha musobaqalar doirasida 5 ta o'yinda maydonga tushib, o'z hisobiga 2 ta gol va 4 ta golli uzatma yozdirib qo'ygan. Transfermarkt futbolchining qiymatini 200 million yevroga baholamoqda.

Roziqjon Sultonmurodov

Jurnalist