«PSJ» Vitinyaning jarohati haqida rasmiy bayonot berdi
«PSJ» matbuot xizmati jamoa yarim himoyachisi Vitinyaning jarohati borasida rasmiy bayonot berdi. Avvalroq, xavbek Liga 1 ning 30-turidan o‘rin olgan «Lion»ga qarshi bahsda (1:2) jarohat olgan edi.
«Lion» bilan o‘yinda o‘ng tovonidan jarohat olgan Vitinya yaqin bir necha kun davomida davolanishda davom etadi. Hafta yakuniga qadar u yana bir bor tibbiy ko‘rikdan o‘tkaziladi», – deyiladi «PSJ» rasmiy saytida e’lon qilingan xabarda.
Ta’kidlash joizki, sakkiz kundan so‘ng, ya’ni 28 aprel kuni Parij klubi Chempionlar Ligasi yarimfinalining dastlabki uchrashuvida Myunxenning «Bavariya» jamoasiga qarshi maydonga tushadi.
Joriy mavsumda Vitinya barcha turnirlar doirasida 45 ta uchrashuvda ishtirok etib, 7 ta gol va 10 ta golli uzatmani o‘z hisobiga yozdirib qo‘ygan.
