«PSJ» va 4 klub Salah uchun da'vogar
"Liverpul" bilan mehnat shartnomasi 2027 yilning o'rtalarigacha amal qiladi.
ФОТО: Getty images
"Liverpul" va Mohamed Salah o'rtasidagi nizolar deyarli hal bo'ldi, biroq futbolchining ehtimoliy ketishi haqidagi mish-mishlar hanuzgacha tinmayapti.
Jurnalist Ekrem Konur ma'lumotiga ko'ra, "PSJ" misrlik hujumchiga hali ham qiziqish bildirmoqda, ammo hozircha faqat kuzatmoqda — yaqin orada biror aniq harakat kutilmayapti.
"Yuventus" va "Galatasaray" ham Salahga qiziqish bildirayotgan bo'lsa, shuningdek, saudiyalik "Al-Ittihod" va "Al-Hilol" ham "poyga"dan chetda emas.
Transfermarkt saytida Mohamed Salahning narxi 30 million yevroga baholangan. 33 yoshli hujumchining "Liverpul" bilan mehnat shartnomasi 2027 yilning o'rtalarigacha amal qiladi.
Joriy mavsumda u "qizillar" safida 20 uchrashuvda beshta gol urib, to'rt marta assistentlik qildi.
Roziqjon Sultonmurodov
Jurnalist