«PSJ» Torresni sotib olmoqchi
Futbolchining bozor qiymati 50 million yevroga baholanmoqda.
ФОТО: Getty images
Fransiyaning PSJ klubi "Barselona" hujumchisi Ferran Torresni transfer qilish imkoniyatini ko‘rib chiqmoqda. Parijliklar ispaniyalik futbolchini Bredli Barkola jamoani tark etgan taqdirda uning o‘rnini bosuvchi sifatida ko‘rmoqda. Bu haqda jurnalist Janluka Di Marzio o‘z saytida xabar berdi.
Qayd etilishicha, fransuz grandi bosh murabbiyi Luis Enrike avval Ispaniya terma jamoasida Torres bilan birga ishlagan.
O‘tgan mavsumda hujumchi barcha musobaqalarda 49 ta o‘yinda maydonga tushib, 21 ta gol va 3 ta golli uzatma muallifi bo‘ldi. Uning klub bilan amal qilayotgan shartnomasi 2027 yil yozigacha mo‘ljallangan.
Transfermarkt ma’lumotiga ko‘ra, futbolchining bozor qiymati 50 million yevroga baholanmoqda.
